"دوست"
(8.3.87)
"ڈاکٹر صابر حسین خان "
گو ابکے برس کی پہلی بارش میں
بوندوں کی تندوتیز بوچھاڑ نے
ہم دونوں کے بیچ
آسمان سے زمیں تلک
غلط فہمیوں کی دیوار بچھا دی تھی
لکین یہ خدا کا کتنا کرم ہے
کہ چہرہ بہ چہرہ رو بہ رو
ہونے والی باتوں کی نرمل دھوپ نے
پل بھر میں یہ کانچ کی دیوار ڈھا دی ہے
اب یہ کتنے کرم کی بات ہے
کہ ہم دوبارہ دو اچھے دوستوں کی طرح
محبتوں کے شاداب موسم میں
درمیاں کی خلیجیں پاٹتے ہوئے
آئندہ کی خوش آئند بارشوں میں
بھیگنے کا انتظار کرسکیں گے
کوئی تبصرے نہیں:
ایک تبصرہ شائع کریں