"تیسری آنکھ"
(28.7.83)
"ڈاکٹر صابر حسین خان"
کتابوں کی دنیا سے پرے
دریا کے دوجے کنارے کی طرح
ایک دنیا اور ہوتی ہے جسمیں
محبت و نفرت کی
دو انتہاؤں کے بیچ
طرح طرح کے لوگ رہتے ہیں
لیکن
کتابوں کی دنیا میں
سدا گم رہنے والے
اپنے جذبوں پر اس طرح
خاموشی کی چادر ڈال کر
دل کے تہہ خانوں میں
چھپا لیتے ہیں کہ
پھر تیسری آنکھ کے سوا
کوئی دوسری آنکھ
ان کے لبوں کی مہر کو
توڑ نہیں پاتی
کوئی تبصرے نہیں:
ایک تبصرہ شائع کریں